Gure Ekoizleak
Kroketak.eus egitasmoan, gure filosofiarekin bat egiten duten eta ingurumen-jasangarritasunarekin eta naturarekiko nahiz animaliekiko begirunearekin konprometituta dauden hurbileko ekoizleekin aritzen gara lankidetzan. Gainera, gure ekoizle batzuek modu aktiboan egiten dute lan, arraza eta jatorri-izen autoktonoak berreskuratu eta kontserbatzeko.
Ezagutu itzazu begiratu batean.
Lumagorri oilaskoa
Baserriko oilaskoa
1993an, zenbait baserritarrek elkartzea erabaki zuten, euskal sukaldaritza tradizionaleko benetako baserriko oilaskoa berreskuratze aldera. Baserritar horiek nekazaritza osasungarriaren alde egiten dute, eta, haien ustiategietan, bidezko merkataritzako elikagai on eta garbiekin elikatzen dituzte oilaskoak. Gainera, oilaskoak aske bazkatzen dira beren larreetan. Lumagorri oilaskoaren hazkuntza-eredua jasangarritasunean oinarrituta dago.
Euskal Txerria
Euskal Herriko txerria
Lekunberriko Maskarada enpresak duela hamar urte heldu zion Euskal Herriko bertako txerri-arraza hau berreskuratzeko misioari. 80.000 m²-ko eremu zabala dute, txerriak erabat aske eta larrez nahiz zuhaitzez inguraturik haz daitezen. Euskal txerriak eremu zabal horretan bizi dira hiru hilabeterekin titia kentzen dietenetik hamabi urte bete eta, gutxi gorabehera, 140 kg-ko pisua hartzen duten arte.
Jeingenekoa
Etxarriko esnea
Esne honen ekoizpenean, behiak behar bezala zaindu eta elikatzen dira, animaliek jaten dutenak zerikusi handia baitauka amaierako produktuaren kalitatearekin: elikagai osasungarriak animalia osasuntsuen eta kalitate oneko esnearen sinonimoa dira. Abeltegi handi horretan, behi bakoitzak bere metro-kopurua eta tratamendu pertsonalizatua dauzka. Jaiotzen direnetik, hainbat taldetatik igarotzen dira, eta talde bakoitzean behar duten tratamendu espezifikoa jasotzen dute.
"La Leze" gaztandegia
Idiazabalko ardi gazta
La Leze familia-gaztandegia da, eta Jose Mari Jauregik, Elisabeth Gorrotxategik eta Arkaitz eta Gaizka semeek osatzen dute. 1992an, bizimodu horren alde egitea erabaki zuten; hots, artzaintzan eta kalitate handiko gaztaren ekoizpenean jardutea, mila urtetik gorako prozesu batean oinarrituta, nahiz eta haien ukitua ere ematen dioten. Ardi latx muturgorriak aske bazkatzen dira Altzania mendilerroko mendien goialdean.
Kanpezuko iringileak
Irina
Gaur egun, EAE barruan aktibo dagoen irin-fabrika bakarra da “Ibarrondo anaiak” familiarena. Lanerako duten filosofiak irmo eusten die kalitatearen inguruko balio eta printzipioei, produktibitatea edonola areagotu ordez. Arabako eta Nafarroako nekazariek jartzen dute irinak egiteko erabiltzen duten zereala.
Illargi okindegia
Ogi apurrak
Illargi enpresa 1971tik dago elikagaien munduan. Ogi birrindu industriala ekoizten dute (are, horixe dute espezialitatea), Aguraingo (Araba) instalazioetan horretarako propio egindako ogitik abiatuta. Egiten dituzten ogi guztiak osasungarriak dira, gehigarririk edo hobetzailerik gabeak.