Guisote!

Atsegin handiz aurkeztu nahi dizuegu plater prestatuen lerro berria: produktuarekin, prozesuekin eta ekoizleekin begirunetsu arituz prestatuko dizkizugu platerak, enpresa gisa definitzen gaituzten sentikortasuna eta errespetua oinarri hartuta.

GUISOTE proiektua natural-natural sortu da, berez, baita merkatuak kalitate handiko eta 0 KM-ko produktuekin egindako plater prestatuak eskatzen dituelako ere. Izan ere, bexamelei gaineratzeko gisatuak egiten bagenituen, zergatik ez egin beste negozio-lerro baterako?

Erabakia hartuta, errezeta tradizionalak berrikusi ditugu (plater hotzak eta haragi- nahiz arrain-gisatuak), eta egokitu, Kroketak.eus-en kutsu pertsonala eransteko; horrela, ondo landutako hondo eta frijitukiekin, mami eta zapore, bezeroen mahaiak pozez eta alaitasunez betetzeko ezinbesteko plater-gama sortu dugu.